Corpus Van Reenen-Mulder (CRM14): Oorkonde E043p33601

Allen den~ghenen die desen brief sullen zien of horen lesen / doen wi v_staen / dieric van der made . bertelmeus hughen zone / en_ mathijs dirx sone . manne sgoidshuus van Egmo_de dat wi daer ouer en_ ane waren / en_ horden en_ saghen / dat Conegund waremboud eghels docht_ . met jan den witten horen rechten voghet / voer onsen he_ den . abt va_ egmonde tot sabts poele te sijns selfs woninghe / voert quam / en_ op~droech / en_ vri en_ quite scout alle goed dat si / en_ hoor ouders va_ den gotshuse va_ egmonde te lient helden / met droghen oghen / met lachenden monde / en_ met hoers mombaers hant voernoemt / ende daer na / Conegond voernoemt / ende Jan hoor voghet voersegheden en_ na suoeren / dat si van dien goede ghene hantfeste en hadden dier si machtich waren / en_ hadden si + se / in hore ghewelt ghehad dat si + se den . + abt gherne ghegheue_ hadden en_ op~ghedreghen / En_ om~dat wi ouer dese dinghe gheweest hebbe_ / soe hebbe_ wi desen brief bezeghelt / met onzen zeghelen / Ghegheuen jnt iaer ons he_n dusent drie + hondert en_ sesse en_ dertich op sente pouwels auond conuersio