Corpus Van Reenen-Mulder (CRM14): Oorkonde E043p36302

Wi gherid van assendelf / heynric van ouercrofte / En_ wouter aelbrechts soen / manne des abts En_ sgoidshuis van Egmonde / doen cont allen luden / dat voer ons quam Jan van scoerle will_ms soen / En_ gheliede dat hi anders gheen recht en hadde tot enighen goede dat will_m machtelde soen gheertruid sijns wijfs vader was van + den abt en_ den goidshuse voirs_ te liene plach te houden / dan dat selue goet van den selue_ abt En_ goidshuse te houden tot enen rechten liene / Voert soe ware_ wi daer aen en_ ouer daer onse here die abt voirsproke_ dit vorseyde goet / Jan voirscr_ verlyede / En_ daert die selue Jan ontfenc van hem tot enen rechte liene / Daer hem Jan voirscr_ wel mede liet ghenoeghen / En_ hem niet en v_mat daer enich recht vorder toe te hebben dan voirscr_ is / In oerconde desen brieue bezeghelt met onsen zeghelen / Ghegheue_ Int iaer ons he_n dusent drie + hondert drie en_ tsestich des anders dagh_ nae des heylichs cruis dach Exaltatio