Corpus Van Reenen-Mulder (CRM14): Oorkonde E045p39401

Wij will_m soyers z_ Jan gheriits z_ En_ Jan aechte_ z_ als Rade_ der stede van alcm_ doe Cont allen lude_ dat haer will_m spaeu priest_ qua_ voir jan van + d_ beets als een scout voir jan gheriits z_ ysebra_t fyen z_ Remb_nt rembr_ z_ gheriit gheriits z_ claes scoutge_ valc garb_nts z_ En_ claes van saende_ will_ms z_ als scepene_ En_ voir ons als rade_ der stede voirs_ In + den iare van vier en_ tneghentich Ouer~gaf opdroech en_ quuijtscout he_n hughe_ wout_s z_ en_ symon b_touts z_ alle eyghe_doem en_ recht . dat hi heeft met scepe_~brieue_ . op erue en_ husinghe_ gheleghen bi_nen der stede voirs_ after der k_cke_ en_ ghehete_ is scincke_~tuun . En_ nv ter tiit betym_ert is streckende westw_t va_ de_ kerchoue an + der stede veste_ En_ belent heeft aen die noertside h_ gheriit van delf priest_ En_ aen die zuutside jan dircs z_s erfname_ In dusdanigher maniere_ dat daer jn gheherb_cht zulle_ wesen vrouwe_~p__sone_ maghede en_ wedue_ die thoer dat si hebbe_ en_ wi_nen met hantwerc te~same_ v_tere_ wille_ En_ gheesteliic leue_ in zuue_n leue_ ond_ ghehoersamychede goeds en_ der heilicher k_ke_ En_ wi scout scepe_ en_ Rade der stede voirs_ neme_ dese voirnoe_de husinghe_ en_ erue_ mette_ vrouwe_~p__sone_ maghede_ en_ wedue_ die daer nv ter tiit in wone_ en_ hier na in wone_ zulle_ met alle_ hoere_ goede_ in Onser bescermenisse en_ hoede En_ wi wille_ dat si in zuue_n reyne_ gheestelike_ leue_ vredeliic en_ met zedelike_ gheestelike_ doghede_ zonder waerlike wise en_ bewint der werlt te~same_ wone_ en_ gode diene_ jn ghehoersamychede_ der heylicher kercke_ voirt soe en sal nyemant van + de_ maghede_ en_ wedue_ voirs_ eyghe_scap hebbe_ an de_ husinghe_ die nv sien of namels opte_ voirs_ erue mochte_ ghety_mert warde_ mar si zulle_ bliue_ totte_ maghede_ en_ wedue_ behoef als voirs_ is Voirt soe wat maecht of wedue die met dese_ voirs_ maghede_ ende wedue_ wone_ wille_ alle tylbaer goet dat si daer bre_gghe_ dat sel de_ voirs_ husinghe_ bliue_ waer si leue_de of~gaet of steruet totte_ maghede_ en_ wedue_ behoef die in + de_ husinghe_ voirs_ wone_de bliue_ voirt soe en sal nyema_t va_ d_~guene_ die in + de_ voirs_ huse_ wone_ va_ huus vare_ noch wtgaen ete_ noch wtgaen slape_ noch wtgaen wake_ nachts noch boetscap make_ bute_ de_ huse sond_ co_sent en_ goetduncke_ der bewaerster der husing_ voirs_ voirt soe en sal gheen man gheesteliic iof waerliic ete_ of drincke_ in + de_ huse of opte_ erue