Corpus Van Reenen-Mulder (CRM14): Oorkonde E058p36001

Gharbrant Aernts sone en_ ghennekiin huusmans sone scepene jn hoerne Orconden dat voer ons quam pieter Rijpen sone en_ gheliede dat hi vercoft heft florens den zeelander Eene hofstede die gheleghen is binnen der vrihede van hoerne bi + den Roeden~stien tuisken hilbrant heinen soens En_ der straete En_ waert hem daer of betaelt den lesten penninc metten Eersten Voert soe heft pieter voirs_ En_ Jacob hughen sone gheloeft mit ghesamender hant en_ elc voer al florens voirs_ dese halue hofstede voirs_ te waren als men vri erue scoudich is te waren binnen der vrihede van hoerne En_ waer dat sake dat florens voirs_ jn coste jn scaede of jn commer quame van + dier haluer hofstede voirsc_ dat souden piet_ en_ jacob voirs_ als voirsc_ is florens voirs_ oprechte_ en_ verbete_n bi scepenen van hoerne Voert soe heft hilbrant heinen sone ghelyet voer ons waer dat florens voirs_ jn coste jn scaede of jn commer quame Rorende van + dier ander helfte van deser voerseider hofstede dat soude hem hilbrant voirs_ op~rechten en_ verbete_n bi scepene van hoerne jn Orconde desen brief beseghelt mit onsen zeghelen gheg_ jnt jaer ons he_n mccc en_ tsestich des satersdaghes nae sente jans daghe tot wtghanghen oest