Corpus Van Reenen-Mulder (CRM14): Oorkonde E058p37301

Dirc claes soen jan pieters soen / En_ Gheret foey scepene jn horne / orkonden dat voer ons quame_ dirc boudewiins soen en_ pieter reuse / rade van der stede van horne voirsc_ ende ghelieden dat si van der stede weghen voirnoe_d vercoft hebben jan claes ysebrants soens soen twe vrancriixsche scilde tsiaers jn willem jacops soens hofstede binnen der vrihede voirsc_ en_ willem voirs_ nv ter tijt op woent jaerlix te betalen die een helfte toe meye en_ die ander helfte toe alre gods heylighen daghe / ende waerden hem daer of al voldaen en_ betaelt den lesten penning met den eersten / Voert soe gheloue_ si jan voirsc_ waert sake / dat hem van yement dese voirscr_ twe scilde tsiaers ontcraft of ontwelticht worde / dat jan voirs_ sel van + der stede goede voirs_ hebben twe voirnoemde scilde elkes jaers / durende toten eweliken pacht te betale_ alse voirs_ js van + de voerseide hofstede en_ van desen voirnoe_den ghelde op dese voerscr_ hofst_ sel staen toten eweliken pacht jn orkonde desen brieue beseghelt met onsen seghele_ jnt jare ons he_n dusent drie hondert drie en_ tseuentich op den jaers~auont / Ende om die meere sekerhede soe hebben wi alse rade van + de stede voirscr_ van + de stede weghe_ desen brief met der stede seghel open beseghelt met den scepene_ voirnoe_d op den datum voirscr_