Corpus Van Reenen-Mulder (CRM14): Oorkonde E058p38401

Willem eueraerts soen en_ Rembout michels soen scepene in hoerne orconden dat v˚er ons quam jan hoene en_ scout quiit tot jenen vryen eyghendoem jacop hermans soen dien werf alse groet en_ alse cleen alsen jan meynarts soen siin vader him ghaf en_ gheleghen js binnen der vryhede van hoerne in + den ? en_ daer + naeste lende of siin pilgram gh_ts soen optie noertside en_ jan dircs soen optie zuutside en_ hi ghelieder of al bitaelt den lesten penninc mitten eersten Voert soe gheloefde hi him den vuerscr_uen werf vry te waeren als men vry erue en_ eyghen scoudich is te waeren na + den rechte van + der stede van hoerne beseghelt mit onsen seghelen des dinghesdaechs na beloken paesschen jnt jaer ons he_n . + mccc + . vier en_ tachtich .