Corpus Van Reenen-Mulder (CRM14): Oorkonde E058p38801

Aernt rembouts soe_ en_ symon harmans soe_ scepene in hoerne orconden en_ kennen dat wi daer aen en_ ouer ware_ dat voer ons quamen jnt gherecht dirc oude claes soe_ als een voecht van grieten ian marsma_s dochter en_ begheerde an + den gherecht dat men katriin groete Reynken ombieden soude dat katriin voersc_ die hofstede die si van him beseten heft mit horen huuse wtter hu˚ere ware dat si die weder hu˚erde bi den gherechte iof thuus ghaue te coepe tot tgherechts segghen daer si an beyden ziden quamen voer den gherecht Ende doe wort dit huus gheset voer een su_me va_ ghelde te coepe Ende die hofstede te hu˚ere tot den naesten brande elkes iaers om twie oude vrancriicsche scilde iof payment na + die waerde vriis ghelts te bitalen alle iaer die Eene halfte tot alre goeds heylighen daghe ende die ander halfte tot meye En_ doe gaf dirc voers_ katrine_ voernoemt dese hofstede te huuere als voersc_ is beseghelt mit onsen seghelen op alre + zielen dach jnt iaer ons he_n dusent drie + hond_t acht en_ tachtich