Corpus Van Reenen-Mulder (CRM14): Oorkonde E058p39101

Jacop pieters zoen zoen ende maerten jans zoen scepen in hoorne Orconden dat voer ons quam haer bartholomeeus van + de_ veen priester cureyt tot hoorne met willa_ euerts zoe_ sine_ voghet en_ ghiliede dat hi om nutscap en_ orbaer der papeliker proue_de tot hoorne verhuurt heeft tot enen erfpacht ewelike durende willa_ claes zoe_ en_ ysebrant meliis zoen alsulc erue als hi legghende heeft bi_nen der vesten van hoorne streckende twisken der veste_ voersc_ en_ pieter gabels zoe_ die mede aldaer erue tieghe_s hem ghehuurt heft Alsoe groet en_ alsoe cleyne alse siit daer onderlinghe ghedeelt en_ ghepaelt hebbe_ die veste_ te bihouden hare_ loep des jaers om ander + halue_ vrancriicsche_ scilt vries gheldes welke huur in~ghenc opten meyen~dach in + den jaer van neghen en_ tachtighen te bitalen alle Jaer dese voerseyde hure die ene helfte tot aller heylighe_ misse en_ die ander helfte tot meye In orconde_ desen brief beseghelt met onsen seghelen Int jaer ons here_ duse_t drie + hondert ien en_ tneghentich des woensdaghes op onser vrouwe_ auont purificacio