Corpus Van Reenen-Mulder (CRM14): Oorkonde E058p39202

Heyne mertijs z_ en_ baernt claes z_ Schepen in hoeren orconden dat vor ons quam pielgrim geriits z_ en_ ghelijde dat hie mit sinen willen ouerghegheue_ heeft En_ ou_gheeft om gods willen tot enen ewighen testamente toe behoef des hues daer nv ter tijt in woene_ her jan volm_s z_ her jacob pieters z_ en_ her gerijt van + der horst priesters jen stuc lants al~so groet en_ alse cleyne alst her jan vorsc_ en_ outgher mychels ghehuert hebben toe des vorg_ hues behoef teghen steuen pieters z_ en_ jan roelofs z_ ten naesten brande welc stuc lants steuen en_ jan vorscr_ ghehuert hebben teghen vechter ende vechter vorscr_ dat ghehuert heeft ten naesten brande teghen pielgrim vorscr_ dien die eyghendoem sijn is . welc vorscr_ lant pielgrim vorscr_ voert ghegheuen heft ewelic tot des vorscr_ hues behoef tot enen rechten testamente behoudelic sijnre pacht ten naesten brande die op al dat erue vor en_ after staende heeft jn orconde der waerheyt bezeghelt mit onsen zeghelen . en_ om die meerre vesticheit so heb ic pielgrim vorg_ minen zeghel an dessen breef mede Ghehanghen Jnt Jaer ons heren dusent drie + hondert twe en_ neghentich des maendaechs na sente seruas dach