Corpus Van Reenen-Mulder (CRM14): Oorkonde E058p39301

Jacob grebber dircs z_ en_ Claes jans z_ scepen in hoorn doen cont allen luden dat voir ons quamen kerstine alberts mit hoeren voecht en_ Claes alberts z_ hoer zoen En_ jacob hermans z_ als een voecht hoerre kinder Ende lijden dat ? vercoft hebben Outgher mychels z_ tot behoef der gueder lude die nv ter tijt en_ in tocomenden tiden bewaerres sin des hues en_ erfs daer nv ter tijt her jan volmers z_ en_ meister jacop pieters z_ in woenen hoer hues dat sie staende hadden in die gou daer lenden of is op die noort~side jan ians z_ en_ op die zuyt~side jan van der steghe En_ kerstine vorscr_ ontfenc dat ghelt vol en_ al Ende waerden hem daer of bitaelt den lesten penning mitten yersten In orconde der waerheyt en_ onse zeghelen hijr an ghehanghen Int jaer ons heren dusent drie hondert drie en_ tneghentich op die octaue van sente agneten .