Corpus Van Reenen-Mulder (CRM14): Oorkonde E058p39302

Jan pieters zoen en_ jacop pieters zoen scepene in hoerne orconden dat voer ons quam ysebrant dircs zoen Ende gheliede dat hi vercoft heft garbrant stain en_ ian Roed~claes zoe_ die nv ter tiit des heylichs gheests voegheden siin Een achtendeel en_ Een sestyendendel van + der hofstede onder~deel daer ian struven zoen nv ter tiit op + woent ghemyen mit ian heynen zoen ende mit ymme ian heynrics zoens weduwe ende mit lambert claes zoen Ende van dit achtendeel ende van dit sestyendeel voernoemt daer staet op iaerliix te Renten totten naesten brande toe ander + haluen coemans~scilt ende twie groet ende Een quartyer van Eenen groeten En_ voert heft ysebrant dircs zoe_ vercoft die voegheden van + den heylig_ gheest voerseyt Een sestendeel van + der hofstede onder~deel daer gheriit iacops zoe_ nv ter tiit op woent ghemyen mit ian pieter harmans zoens kinder ende mit ian heynen zoen Ende daer toe Een sestendeel van + der hofstede onder~deel daer pieter ians zoe_ nv ter tiit op + woent ghemyen mit ian pieter harmans zoens kinder en_ mit ian heynen zoe_ Ende op Elke sestendeel van dese twie hofsteden voernoemt staet Elkes iaers op + te Renten ten naesten brande toe op elc van dese twie hofsteden als op elc sestendeel voers_ drie quartyer van Eene_ coemans~scilt Ende alle dese Renten voernoemt sellen wesen vri ghelt jaerliix te bitalen tot alre heylighe misse ende tot meye Ende waert hem daer of al voldaen ende wel bitaelt den lesten pe_ninc mitten eersten ende schelt hem dit voersc_ Erue quiit tot Eene_ vryen eyghendoem Ende gheloeft hem te vryen ende te waren als men vri Erve scoudich is te waren nae + den Recht van + der stede In orconde desen brief beseghelt mit onsen zeghelen jnt iaer ons he_n dusent drie + hondert drie ende tneghentich op sinte lucas auont eewangelist