Corpus Van Reenen-Mulder (CRM14): Oorkonde E058p39602

Claes gheriits zoen ende dirc dircs zoe_ scepen in hoorne orconde_ en_ ken_en dat voer ons quam gherbra_t haer andries zoe_ die coster tot hoorne mit Jan die roede claes zoen sine_ voecht en_ dat hi om nutscap en_ oerbaer der costerien tot hoorne verhuurt heft tot eweghe_ pacht luduwen harmans een stucke erfs gheleghen bin_en der vryhede va_ hoorne in dat rietlant datter ghelegen is after der heyligher kerke_ van hoorne die halue brede op die suut~side streckende twiske_ dat erue dat dese ludu nu~ter~tijt biwoe_t en_ ouer~ghenome_ heeft in hure~ware va_ pieter grebber en_ oestwaert strecke_de ouer dien sloet die daer leyt an + de_ tuun en_ an dat erue dat ludu mede in hure~ware aldaer heeft wtghenome_ dat op die noert~side allancs van dit voersc_ erue legghe_de sellen bliue_ viif roede~voeten tot enen ganc~pade . welke vijf voeten voersc_ vande_ kercsloet tot ouer dien sloet die daer leyt opt oest~eynde van + de_ tuun dese ludu voersc_ ? en_ houde_ sel dat ment wel gaen mach tot alsulken iaren alse si dit erue in hure~waren heeft . welc erue voersc_ bileghen heeft op die suut~side gheriit van hemskerc om ander haluen quartier va_ ene_ vrancriicschen scilt ioft payment na der weerde vriis ghelts welke hure in~ghenc op den meyen~dach lest~gheleden te bitalen alle jare dese voerseyde hure die ene helfte tot alder goods heylighe_ daghe en_ die ander helfte tot meye Om~dat dat waer is Ende ons dit kenlic is soe hebben wi desen brief biseghelt met onsen zeghelen Int jaer ons heren dusent drie + hondert sesse en_ neghentich op des heylighen cruus dach juuencio