Corpus Van Reenen-Mulder (CRM14): Oorkonde E058p39802

Jan Rembouts zoe_ en_ Rembout michels zoen scepen in hoerne Orconden dat voer Ons q˚amen katherine pieter ghabelen zoe_s wiif was mit gharbrant haren zoe_ die hoer Rechte voecht js machtelt pieter ghabelen zoe_s dochter mit gharbrant horen broeder die hoer voecht is Gharbrant voersc_ voer hem sel˚en jan pieter ghabelen zoe_s zoe_ mit gharbrant siinen broeder die siin voecht is En_ ysebrant pieter ghabelen zoe_s zoe_ voer hem sel˚e_ Ende ghelieden dat sii vercoft hebben jan baernt zoen ende jan claes zoe_ alsulke husinghe en_ erve als pieter ghabelen zoe_ gher˚met heft mitter laetster dooet dat staet binnen der vryhede van hoerne Jn die kercstraet daer naeste lenden of siin haer gheriits erfnaem van hemskerc an + die z˚utzide ende ymme jan heynric zoe_s wiif was an + die noert~zide Ende waren hem daer of al voldaen ende wel bitaelt den lesten pen_inc mitten eersten Ende scheldent hem quiit tot Eene_ vryen eyghendoem Ende ghelo˚ent hem te vryen en_ te waren als men vry h˚usinghe ende erve scoudich is te waren naeden Recht van + der stede wt~gheseit Eenen keysers scilt siaers die jaerliix ghaet wt dese hofstede voers_ jn orconde desen brieue beseghelt mit onsen zeghelen Jnt iaer ons he_n mccc acht en_ neghentich des manendaeghes nae sinte jans dach decollacio