Corpus Van Reenen-Mulder (CRM14): Oorkonde E068p39701

Piet_ pilgrims zoen scout tot graft Doe cont en_ kenlic allen den~ghenen die desen brief sullen zien of hoe_n lesen dat ic vercoft hebbe Jan willem heyne zoens zoen twalif made in coeke~maed en_ heeft belent die papelike proue_ an die noert~side en_ gherijt van + d_ laen an die zwt~zide En_ hi gaf daer of Jan willems z_ voir_ ene_ vrien eyghendoem en_ ghelider of voldaen en_ wel betaelt den lesten pe_ni_c mit den eersten En_ hi ghelouede voert den voirs_ jan wille_s z_ dit voir_ lant vri te wae_n ghelijc men vri erue en_ eyghen in + den ban van graft sculdich is te wae_n Voert so qua_ voir my Jan wille_s z_ voernoemt en_ ghelide dat hi den voir_ piet_ pilgrims zoen dit voir_ lant weder verhuuert heeft tot den ewelike_ pachte Jaerlix om ses goede enghelsche nobelen vries ghelts en_ sonder enich ofbrec dat is te wetene dat piet_ voir_ oec mede sal bewae_n alle dycaedse en_ dam_aedse tot den lande voir_ behorenden jn deser maniere_ dat me_ alle jaer dese voir_ huer betalen sal op sinte martijns dach of bi_nen viertien + daghe_ daer na onbegrepe_ En_ waert dat me_ + se niet en betaelde ghelijc voir_ is so waer dese huur wt En_ jan wille_s z_ soude dan moghen doen en_ laten met desen lande voir_ so wes hem ghenoeghede hier wa_en ouer en_ aen voppe berwout z_ meynaert wibout z_ en_ Jan scinc In ke_nisse der waerheit so heb ic desen brief ouer my selue_ bezeghelt met minen zeghel tot ene_ orconde Ghescreue_ jnt jaer ons he_n dusent drie ho_dert seuen en_ tneghe_tich des donredaghes na sinte martijn T_nslacio