Corpus Van Reenen-Mulder (CRM14): Oorkonde E079p35601

Wj gheriid van scoten En_ jan gheriids zoe_ Scepene In beuerwiic oerconden dat voir ons quame_ splinter haes . en_ machtelt gheriid he_n arendszoens docht_ . siin wiif . En_ quite scouden en_ op~droeghe_ tot isebrants behoef van der scure en_ siinre nacomelingher / alle coepe alle erfnesse . alle recht / alle liifrente_ . die si hebbe_ jof hebbe_ mochte_ an allen goede dat femeynsen gheriid he_n arends zoe_s wiifs liiftochte was . so~waer dattet gheleghen is / En_ scouden isebrant van der scure voirsc_ en_ sine_ nacomelinghen . van allen zaken voirsproke_ . vry en_ quite / En_ verlyeden alle bitaelt dien lesten pe_ning metten eersten . En_ isebrande en_ sine_ nacomelinghen . aldaer nymmermeer . voirt om an te kalengere_ si noch hare nacomelinghe Jn oerconde desen brieue bizeghelt met onsen zeghelen Jnt Jaer ons he_n mccc zesse en_ viiftich . des woensdaghes na sinte seruaes dach