Corpus Van Reenen-Mulder (CRM14): Oorkonde E097p31601

Wi willaem heynrick aden zoene / En_ Ghisebrecht dullard willaems zone / scepene te haerle_ maken cont / en_ orconden allen luden / Dat voer ons quam / Jacop nannen zoene van scalchwijc / En_ verliede voer ons / dat miester Gherrijt scolaster van haerlem houder van desen lette_n / hadde an al sijn land / en_ sijn erue soe waer / ofte in wes ban soet gheleghen is / of hu soet ghehieten is / ein pont ghelts jaerlix renten / dat hi him wl en_ al bitalet hadde / te bamisse jaerlix te bitalen / en_ gaf + t him oec vp te vrien eyghe_ en_ scouttet quite / voert alse van scoude die hi Jacop verliede dat hi miester Gherride mier scoudich was en_ hi him noch gheuen / ende vit~doen soude / Gaf die jacop dicke voerseyt dien miester gherride vornomet / vp te vrien eyghen en_ scoutet quite voer ons al sijn goet huisigghe / land / en_ erue / rorende en_ onrorende / soe waer dat gheleghen is en_ soe hu dat ghehieten is / ende ontfenghet weder van him toet erfhure om vier pont hollans jaerlix immer te bitalen tote bamisser~market van jaer te iaer in dier manniere dat man hure plecht te bitalen en_ liettet / toet sijns selues miester gherrijts trouwen staen / wat hi him mier gheuen ofte vit~doen wilde / bouen dat hi him bitalet heft / en_ scouten daer vp quite voer ons van allen dinghen sonder alle ferpelinghe / Orconde desen lett_en gheseghelt met onsen seghelen vit~ghehanghen in dien jaer ons hie_n / dertien + hondert ende sestiene / des manen~daghes voer vastelauent