Corpus Van Reenen-Mulder (CRM14): Oorkonde E097p32001

Wj Jan van dier scure / alebrecht wouters zoene / Ende symon hughen zoene van dier lane scepenne te harlem / Orconden allen luden / dat voer ons quam / claes hondertpont vter liere / ende louede voer ons miester gherride scolast_ te harlem houder van deser letter vijf + pont hollans / ende tien grote tornoze houelinghe te bitalene vrighelt / toter eirster delfm_ket ghehiel ende al sonder allen ferpel / vort verliede hi claes voerseit voer ons / dat hi viif morghen lands ende tuie hont van miester gherride te hure hadde noch dertien jare / die morghen elk omme viif + ende tuintich scelligh jaerlix maer noch die naeste vier jare / soude hi van dier morghen jarlix gheuen ein + pont van gracien / doer der quader jare wille / die alte suaer gheleden zien . oec mede liede hi claes vornomet dicke dat die termiin van deser hure vorscreuen te bitalen , altoes is ende sel wesen toet onser vrouwen lichgmisse / of purificaci Orconde deser letter biseghelt met onsen seghelen Ghegheuen jnt jaer ons hie_n / dertien + hondert ende tuintich des manen~daghes na grote uastelauent ~ ~ ~