Corpus Van Reenen-Mulder (CRM14): Oorkonde E097p33001

Wj willaem van tetrod_ / En_ Dirc van d_ sp_ne / Scepe_ in haerle_ / Oercond_ dat Jan van roll_t / en_ aechte siin wiif voer ons quame_ / En_ v_lieden / dat Jan ve_n batten zone / daer god die ziele of hebben moete / cofte / iegh_ aechten voers_ / ene morgh_ ghiestlants / en_ ene m_gh__ broeclants / die hoer an~quam_ / van Jan berwouts zone / voer ghelt / dat hi hoer scoudich was / daer hoer / dat lant voer gheset w_t / bi den rechte / voer den recht_ / en_ voer die bure / te voerhoute / van wilk_ tue m_ghen lants / die ene m_gh__ ghiestlant is / en_ Jan b_wouts zoens huus op staet / en_ die and_ m_gh__ / hiet roelofs ve_ne die leghet / an twe sticken / alse an vier hunt / en_ an tue hunt / wilc lant voers_ Jan van roll_t / en_ aechte siin wiif v_lieden / dat Jan ve_n batten zone / him al bitaelt heft dien lesten pe_ninc mitten eersten / voert oerco_d__ wi dat hughe brouw_ v_liede voer ons / dat hi doe burema_ was te voerhoute / En_ hi die tue m_gh__ lants halp scatten tot aechten bihoef / en_ hi daer omme swoer / Jn oerco_de des_ brieue bizeghelt mit ons_ zeghelen / ghegheue_ Jnt iaer ons he_n / m ccc en_ d_tich in sinte Alebrechts daghe - -