Corpus Van Reenen-Mulder (CRM14): Oorkonde E097p34702

Wj jan van zaenden willaems zoe_ Ende jan goeswiins zoe_ scepene in hairle_ orconden dat agniese byatriis dochter met hoers monbaers hant voer ons gaf tot ene_ vrien eyghen den nvwen gasthuse tot hairle_ elf scellinghe siairs / des zel wesen twie scellinghe siairs op euers huijs en_ erue van den houte legghende en_ staende twischen stephaen jans zoe_ en_ pieter van den bosche twie scelli_ghe siairs op dirc voeghelaers huijs en_ erue legghende en_ staende twische_ lizebeth wouters dochter en_ der porte erue drie scellinghe siaers op willaems van scoten jans zoens en_ op camphughen erue dat gheleghen is twischen dien erue dat clais van catse rumede metter doit en_ g_ete tentemakers erue En_ vier scellinghe siairs op gheriid - zoe_s huijs en_ erue legghende en_ staende twischen gheriid jan coppeciaens zoe_ / en_ gheer~truijd vustiaens jn Orconde desen brieue bizeghelt met onsen zeghelen jnt jair ons he_n mccc zeuen en_ viertich des woensdaghes na sinte mathiis daghe