Corpus Van Reenen-Mulder (CRM14): Oorkonde E097p36801

Wj dirc die blote en_ Ghisebrecht hobben~soen . scepene in haerlem oirconden dat voer ons quam . Gheriit pieters~soen die waterlagher ende verliede dat hi vercoft heeft gheriit den zeelander dertich scellinghe siaers op siin huus ende op siin erfmolen metten eruen legghende ende staende in die ziilstrate twisschen Eueraert van dyemen . ende den erue dat gheriit littelmans plach te wesen . Jaerlix te betale_ tot bamisse an paymente daer men tot elken t_mine bier ende broot mede copen zel . Ende verliede al betaelt den lesten pe_ning met den eersten . Ende heeft hem gheloeft te waren als men vrye renten binnen der vryhede van haerlem sculdich es te waren . Jn oirconde desen brieve bezeghelt met onsen zeghele_ Jnt iaer ons he_n mccc acht ende tsestich op den dertyenen~dach .