Corpus Van Reenen-Mulder (CRM14): Oorkonde E097p37201

Wi Aelbrecht van scoten ende claes florens zoen scepene in h_rl_m oirconden dat voir ons quamen gheertruut jan honen wedue met willaem den weent willaems~zoen horen mombaer willaem van adrichem baertout hoon florens hoon / gheriit hoon Jan hoon ende claes van adrichom haer kindere en_ op~gauen tot enen vryen eyghen machtelt hughe roepers wiif was en_ haren kinde_n twee morghen lants / vier hond en_ viif en_ tseuentich gaerden / legghende in den ban van hodenpiil Int land dat gheheten is die hoeve van brederode Ende verlieden al betaelt den lesten pe_ninc metten eersten en_ hebben se machtelde voirscr_ en_ haren kinderen gheloeft te waren als men vry erue sculdich is te waren in den ban daer dat voirscr_ lant in gheleghen is . In oirconde desen brieue bezeghelt met onsen zeghelen jnt iaer ons he_n mccc en_ twee tseuentich op sinte Elizabets dach