Corpus Van Reenen-Mulder (CRM14): Oorkonde E097p37501

Wi hughe bake ende willaem van rollant scepene in h_rl_m oirconden dat voir ons quamen danel jacops iacops zoen als een ghewaert rentemeester veren machtelde van outshoorne vrouwe van raephorst joncfrou lisebet en_ joncfrou aerlant willaem veren baerten zoens dochteren met dirx bloten hant hoerre beider mombaer ende verlieden dat si verhuert hebben tot erfhure . gheriit heren gheriits zoen / een hofstede die gheleghen is in die afterstrate bi den ouden gasthuse op dat zadelant dat men hiet den broec / also groet en_ cleine alse daer nv bepaelt is / twisschen claes koyt ende dirc aernts~zoen van ghisen / afterwaerts streckende ant weidelant een achte en_ dertich scellinghe holl_s payment siaers in rechten poirtrechte jairlix te betalen tot bamisse Ende hebben se hem metter voirseider hure gheloeft te waren als si sculdich ziin te doen / elc als si daer an gheerft is / dat is te verstaen joncfrou aerlant voir een verendel / danel iacops zoen als een rentemeester van der vrouwen weghen van raephorst voirscr_ voir een ve_ndel ende joncfrou lisebet voir die helfte . in oirconde desen brieue bezeghelt met onsen zeghelen int jaer ons he_n mccc viif en_ tseventich tsondaechs na sinte ambrosius dach