Corpus Van Reenen-Mulder (CRM14): Oorkonde E097p37601

Wi foytiaen bannen zoen . ende simon van gheruliet scepene in haerlem oirconden dat voir ons quam . dirc hughe~roepers zoen voir die tijt dat hi ghecliet wort in den godshuse van sinte jans ende op~gaf tot enen vryen eyghen jacop en_ pieter zinen tween broederen alle goet dat hi heeft / het si roer onroer waer ende waer + an tgheleghen is binnen der stede van hairlem of daer buten Ende verliede al betaelt den lesten pe_ning metten eersten . ende . heeftet hem tween gheloeft te waren als hi sculdich is te doen jn oirconde desen brieue bezeghelt met onsen zeghelen Int jair ons he_n mccc zesse en_ tseuentich swoensdaechs na onser vrouwen dach a_nunciato