Corpus Van Reenen-Mulder (CRM14): Oorkonde E097p37701

Wi aelbrecht jan mabelyen zoens zoen en_ gheriit andrees zoen scepenen in h_rl_m oerconden dat voer ons quam . dirc moens zoen ende verliede dat hi ghehuert heeft tot erfhure jeghens den gasthuusmeesters van haerlem van des nuwes gasthuus weghen Een hofstede drie roeden lanc en_ ander + halue roede briet die ghelegen is after dat oude gasthuus twisschen ysebrant jans zoe_ den scoemaker an die ene zide ende die strate an die ander zide om twee en_ twintich scellinghe holl_s payment siaers in rechten poirtrechte jairlix te betalen tot bamisse In oirconde desen brieue bezeghelt met onsen zeghele_ jnt jaer ons he_n mccc zeuen en_ tseuentich op den zesten dach in maerte