Corpus Van Reenen-Mulder (CRM14): Oorkonde E097p37801

Wj aernt ian en_ claes ian iacob zoens zoen scepene in h_rl_m oirconden dat voir ons quam gheriit van spaernewoude en_ gheliede dat hi vercoft heeft den gasthws~miesters tot h_rl_m toeter armer behoef dertien scellinghe goet ghelts siaers in rechten poortrechte des die elf scellinghe staen zullen vp valken hws en_ erue van oostzaenden legghende en_ staende vp oude h_rl_m twischen vicker jonghen zoen an die ene zide en_ iacob die rode an die ander zide afterwaerts streckende an hughe roden en_ pieter wouter en_ twie scellinghe vp ymme tieten dochter en_ claes wiggherzoens twie huze en_ erue beide legghende en_ staende vp oude h_rl_m twischen der poorte strate an die ene zide en_ iacob dierode an die ander zide beide afterwaerts streckende an iacob voirscr_ En_ verliede al betaelt den lesten penninc metten eersten en_ heeft ze gheloeft te waren als men vrye renten binnen der vryhede van h_rl_m scoudich is te waren In oirconde desen brieue bizeghelt met onzen zeghelen int iaer ons he_n mccc acht en_ tseuentich svrydaghes na sinte baerthelmieus dach apostel