Corpus Van Reenen-Mulder (CRM14): Oorkonde E097p37802

Wi willaem van rolland ende claes jan iacops soens soen scepene in haerlem oirconden dat voer ons quamen die gasthuus~meesters van haerlem bi wille en_ consente der Rade der stede van haerlem ende ghelieden dat si verhuert hebben tot erfhure van des nuwes gasthuus weghen te haerlem jan coelmans soen Een hofstede drie roeden lanc en_ ander + halue roede briet doergaens die gheleghen is ant westend van des ouds gasthuus kerchof an die zuudzide van der steghe twisschen des gasthuus erue an + die ene zide en_ des gasthuus kerchof an die ander zide Om twee en_ twintich scellinghe holl_s payment siaers in rechten poirtrechte . jairlix te betalen tot bamisse Ende hebbe se hem vans gasthuus weghen met der voerseider hure gheloeft te waren als si sculdich ziin te doen jn oirconde desen brieue bezeghelt met onsen zeghelen jnt jair ons he_n . mccc + . achte en_ tseuentich swoensdaechs na sinte ambrosius dach