Corpus Van Reenen-Mulder (CRM14): Oorkonde E097p37901

Wi symon van + der scure en_ claes jan iacops zoens soen scepene in h_rl_m / orconden dat voer ons quam gheriit heyken zoen ende op~gaf tot enen vryen eyghen den heilighen gheest en_ den nuwen gasthuse tote haerle_ die husinghe met den erue die claes heiken zoens plach te wesen legghende en_ staende in poezelaers~steghe / twisken jan zibrants zoen ende jan heinen zoen op die ene zide ende jacop meynsen zoen an die ander zide met al sulker hure als daer op staet . ende in alle_ scine alset gheriit heyken zoen zelue hadde dat is te verstaen dat se jan westualinc ende zoete ziin wiif hebben zullen also langhe als si beide of hoerre enich leeft die bruuc~weer daer of ende die hure dier op staet jaerlix wtreyken en_ betalen ende die husinghe in goeder reke houden tot hoerre doet toe besceydeliken als daer toe behoort jn oirconde desen brieue bezeghelt met onsen zeghelen int jaer ons he_n mccc neghen en_ tseuentich op sinte victors auont