Corpus Van Reenen-Mulder (CRM14): Oorkonde E097p38001

Wj Aernt jan en_ jan van scoten scepene in h_rl_m oirconden dat voer ons quam gherijt houelinc ende gheliede dat claes van den zande wtgheleit heeft hondert ende ene ende + tsestich ouder scilde an zulke_ goede als houelinc voirsc_ nv ter tyt gheladen heft in rechter veynootscap daer hi hem of ghelyt die helft sculdich te wezen voert heft houelinc voirsc_ gheloeft claes voirnoemt dat hi tgoet voirsc_ niet vercopen noch vervreemden en zel ten si bi claes voirsc_ jof bi des~ghenen wille dient claes voirsc_ beuelen zel En_ so wes van + den goede voirsc_ vercoft worde het si cleine of grote daer zel claes voirsc_ heffer of wezen jof die~ghene die hyt beveelt also langhe want claes voirsc_ siin hooftghelt vol en_ al in heft En_ wes daer bouen comt dat zullen zi beide halue en_ half dielen jn oirconde desen brieue bizeghelt met onzen zeghelen int iaer ons he_n mccc en_ tachtich vp sente elizabetten dach