Corpus Van Reenen-Mulder (CRM14): Oorkonde E097p38601

Wj jan van scoten en_ hughe van assendelf scepene in haerlem oirconden dat voer ons quamen jan heinric die coppedrayer van machtelt ziins wijfs weghen en_ gheertruut jacobs dochter met heinric koenen soen den ketelboeter haren mombaer ende quite scouden alle recht en_ toe~segghen dat sii hebben mochten tot den huse metten erue dat claes die wilde weder den gasthuus~meesters van haerlem coften legghende ende staende in die clene houtstrate bi sinte Romiin op den hoec In orconde desen brieue bezeghelt met onsen zeghelen int jaer ons he_n mccc zesse en_ tachtich tsaterdachs na sinte pieters en_ sinte pouwels dach apostelen