Corpus Van Reenen-Mulder (CRM14): Oorkonde E097p38901

Wj florens hone en_ ysebrant van sp_newoude scepen_ in haerlem oirconden dat voir ons quam dirc mouweriins zoen en_ gheliede dat hi vercoft heeft tot enen vryen eyghen den kercmeesters van haerlem ter kerke behoef dat erue ende dat huus datter op stoet legghende en_ staende bi den groten kerchoue twisken den erue dat jan claes soens des barbiers was an die een zide . en_ den erue dat dirc van leyne des backers was an die ander zide afterwaerts streckende an gheriit honen Ende verliede al betaelt den lesten pe_ninc met den eersten En_ heeftet hem gheloeft te waren ter kerke behoef voersc_ als hi sculdich es te doen . met drien ponden en_ met zeuen scellinghen siaers in zulken scine alse daer op te hure staen In oirconde desen brieue bezeghelt met ons_ zeghelen jnt jair ons he_n mccc neghen en_ tachtich sdinxdaghes na onser vrouwen dach an_unciacio