Corpus Van Reenen-Mulder (CRM14): Oorkonde E097p38902

Wj baertout van assendelf en_ baertout va_ huesen scepene in h_l_m oirconden dat voir ons quam gheriit hone en_ up~gaf tenen vryen eyghen den kercmeesters van der groter kercke der stede voirs_ totter heyligher kerke behoef ziin husinghe metten Erue die hi nu ter tijt woenlic bewoent En_ die twie husen die elcs an ander daer after ghetymmert ziin En_ daer toe dat Erue dat will_m die mandemaker weder gheriit honen ghehuiert hadde will_ms tymmeringhe wtgheset dat ander voirsc_ al legghende en_ staende twisken dirc van foriest an die Ene zide en_ tgrote kerchof an dander zide afterwaerts streckende an dirc van foriest En_ voirt om dircs hoerne van foriest beziden wtgaende twisken dirc en_ tgrote kerchof beyde voirsc_ also verre als will_ms reyghen poert plach + te staen En_ verliede al betaelt den lesten penninc metten eersten En_ heeftet hem gheloeft te waren als hi sculdich is te doen met twintich scell_ goets ghelts siaers die jan van scoten daer up te hure heeft In oirconde desen brieue bezeghelt met onsen zeghelen Int Iaer ons he_n mccc neghen en_ tachtich op sinte michiels dach