Corpus Van Reenen-Mulder (CRM14): Oorkonde E097p38903

Wi jan van scoten en_ jan eylaerds soen scepenen in h_rl_m oirconden dat voor ons quamen ghisebrecht en_ andrees jan walrauens twe zonen ende ghelieden dat si vercoft hebben tot enen vryen eyghen gheriit heiken zoen als een gasthuusmeester tot des nuwes gastshuus behoef twaelf scellinghe goets ghelts siaers zonder waerdeheerscap op hoer huus ende op hoer erue legghende en_ staende in die clene houtstrate twisken ian pieters soen van assendelf an die een zide willaem Rodetiaen den snider an die ander zide ende verlieden al betaelt den lesten pen_inc metten eersten en_ hebben se hem tots gastshuus vorsc_ gheloeft te waren als si sculdich ziin te doen jairlix te betalen tot bamisse . In oirconde desen brieue bezeghelt met onsen zeghelen jnt jaer ons he_n mccc neghen en_ tachtich svridaechs na sinte katerinen dach