Corpus Van Reenen-Mulder (CRM14): Oorkonde E097p39001

Wj willaem van adrichem jan honen soen en_ claes van der beke scepenen in hairlem orconden dat voer ons quam joncfrou margriete van ? florens zelanders wedue met jan wouters soens hant haers mombaers en_ verliede dat si ghegheuen heeft in rechter aelmissen en_ in rechten testament onser vrouwen broeders tote hairlem neghen scellinghe en_ vier pe_ninghe holl_s payment siaers op jan wiintiaens soens des scoomakers aendeel van dien lande dat hi van joncfrou margrieten voorscr_ heeft in huerwaer en_ gheleghen is in den veen an der stede~graft twisken den heren van sinte jans an die een zide joncfrou marg_te voerscreuen an die ander zide jn manieren dat si jaerlix hier voer haer memory zullen doen ter stede die joncfrou marg_te kiest in ? kerc en_ daghelix daer te graue gaen voer ? marg_ten zyele en_ hare vriende . jaerlix te heffen en_ op te boeren dese renten tot meye jn orconde desen brieue bezeghelt met onsen zeghelen jnt iaer ons he_n mccc en_ neghentich svridaechs na dertyenden~dach