Corpus Van Reenen-Mulder (CRM14): Oorkonde E097p39201

Wij Symon van gheruliet en_ Symon van zaende_ gherijts zoen scepene in h_lem oirconde_ dat voir ons quam hobbe hone en_ gheliede dat hi vercoft heeft tot ene_ vrien eyghen Clemeynse heynric buren weduwe drie pond en_ twalef pe_ninghe hollans payment siaers op twe huse met haren erue legghende en_ staende in harpers~steghe van foreest an malcander twisken gheertrwd van berghen an die ene zide machtelt florijs an die ander zide afterwaerts streckende an hobbe hone_ scure Iairlix te betalen tot bamisse en_ verliede al betaelt den lesten pe_ninc metten eersten en_ heeft ze haer gheloeft te waren als men vrie Renten binne_ der vrihede van h_lem sculdich is te waren In oirconde desen brieue bezeghelt met onse_ zeghelen Int iaer ons he_n mccc twe en_ tneghentich sdonredaechs na sinte seruaes dach