Corpus Van Reenen-Mulder (CRM14): Oorkonde E097p39202

Wy Symon van zaenden gherijts zoen en_ dirc fyen zoen scepene in h_lem oirconde_ Dat voir ons quam Jelijs andries gheyen zoen die snider en_ gheliede dat hi ghehuert heeft tot erfhure weder simon van gheruliet een erue sestiend + alue Roede~voete wijt bi + der Roede van viertien voeten te meten after en_ voir effen wijt Ende ghelegen is in Rodenburgher~steghe twisken will_m mathijs zoen an die ene zide Simon van gheruliet an die ander zide . afterwaerts streckende an pieter van zaenden om enen dordr_ gulden siaers in Rechten poertrechte die nv ter tijt ghesleghen en_ ghemunt is of payment dier waerde Jaerlix te betalen tot bamisse Jn oirconde desen brieue bezeghelt met onsen seghelen int iaer ons he_n mccc twe en_ tneghentich op Onser vrouwen auo_t natiutas : -