Corpus Van Reenen-Mulder (CRM14): Oorkonde E097p39601

Wj jan van sp_nwoude Ende Dirc van assendelf jans zoen Scepene jn harlem oirconden dat voir ons quam duve pieter ballincs weduwe met jan pieter ballincs zoens hant haers zoens en_ momnaers Ende op~gaf tot ene_ vrien eyghen he_n hughe wouters zoen he_n willem jans zoen en_ heren philps aernts zoen priesters die oester helfte van ene_ huse metten erue legghende en_ staende jn dirc gheriits zoens steghe twisken Ermgaert dirc gheriits weduwe an die ene zide die priesters voirsc_ an die ander zide streckende van ermgaert hughen metter haluer muer afterwaerts an symon van zaenden gheriits zoen metter brw_ van + der steghe die an die noortzide van desen huse metten erue gheleghen is Ende verliede al betaelt den lesten pe_ninc metten eersten Ende heeftet hem met haers mombaers hant voirscr_ gheloeft te waren als zi sculdich is te doen met sulker hure als dair op staet jn deser manieren dattet toe~behoren sel den huse metten erue datter alre~naest zwtwaerts gheleghen is en_ duven voirscr_ plach te wesen Jn Oirconde desen br_ bezeghelt met ons_ seghelen jnt jaer ons he_n mccc sesse en_ tneghentich op sinte jans dach baptista