Corpus Van Reenen-Mulder (CRM14): Oorkonde E097p39901

Wij willem van saenden En_ matheeus gheriit claes soens soen scepene In h_l_m Oirconden dat voir ons quam beatriis dirc moens soens weduwe met Jacop willem pelser soens hant haers mombaers En_ op~gaf tot enen vrien eyghen Jacop hughe roepers soen een huys metten erue legghende en_ staende In Sinte~Jans~steghe twisken aliit bloten met haren soen an die ene zide ysebrant reyn_s soen an die ander zide afterwaerts streckende an Jacop hughen soen voirscr_ Ende verliede al betaelt den lesten pe_ninc metten eersten En_ heeftet hem met haers mombaers hant voirscr_ gheloeft te waren als si sculdich is te doen met vier scelling_ goets ghelts siaers in allen schine alse dair op te hure staen In Oirconde desen brieue beseghelt met ons_ seghelen Int iaer ons he_n mccc achte en_ tneghentich tsaterdaechs na sinte ponstgens dach