Corpus Van Reenen-Mulder (CRM14): Oorkonde E097p40001

Wj ysebrant van sparenwoude en_ Jan van spaernwoude Scepene jn haerlem oirconden dat voir ons quam her hughe wout_s zoe_ priester en_ coes bartout van assendelf tot ene_ mede~mombaer mit hem te wesen voir ghiisbrecht jans zoen daer god die ziel of hebbe_ moet van + den huse metten erve dat wonne_ symon galen weduwe plach te wesen En_ gheleghe_ is in dirc gheret zoens steghe twisschen fye jan piils zoens docht_ an die ene zide . die husinghe mitten erve daer her willem jans soen en_ her philips aernts soen priesters mombaers of siin an die ander zide afterwaerts streckende an die husinghe mitten erve die symon van zaenden gherets soe_s plach te wesen In allen sciin en_ In allre maniere_ als die scepen~brief inhout die daer of is roerende van + den huse voernoemt In oirconde desen brief bezeghelt mit onsen zeghelen Jnt Jaer ons he_n duse_t vier + hondert op sinte ambrosius dach