Corpus Van Reenen-Mulder (CRM14): Oorkonde E109p34801

Wj Ruussche dirics zalen zoen ende jan peters zoen / Scepene in Aemstelredamme orconden ende kennen dat Albout die snider gheliede voer ons dat hi heeft ghehuurt tieghens den oudermans van sinte~lycolaus~ghilde totten naesten brande toe ene halue hofstede gheleghen tuisschen claes van den dammen erue dat mouwerijs claes vrederics zoens zoen ghehuurt heeft also alst sinte~lycolaus~ghilde~broeders ghemene hebben mit peter scollant om vijf scellinghe holl_s an comans~ghelde / te + betalen die ene helfte van + den renten tot meye ende die ander helfte tot alre + goets heylighen misse jn orconde desen brieue bezeghelt mit onsen zeghelen Ghegheuen in + den jare ons heren . mccc + . achte ende viertich des maendaghes na sinte gregorius dach