Corpus Van Reenen-Mulder (CRM14): Oorkonde E109p35501

Wj . dirc coppen soen en_ pouwels jans soen Scepene in aemstelredamme orconden en_ kennen dat Ghisetgijn bil gheliede voer ons dat hi vercoft heeft den oudermans van onser~vrouwen~capelle tot onser~vrouwen~capelle behoef in die wijnmolen~strate drie pont holl_s an comans~ghelde iaerlicser rente staende tot enen eweliken pacht op dat huus en_ op dat erue dat gheleghen is ane heydewijn heynemans soens erue op die noert~zide . en_ ane jan scrapers erue op die zuutzide . te + betalen alle jare desen voerscreuen pacht op sinte johans dach te middezomer achte daghe daer na onbegrepen . en_ waer dat zake dat ghisetgijn bil desen voers_ pacht jaerlix niet en betaelde als voerseyd is en_ die oudermans van onser~vrouwen~capelle om dien pacht panden so soude ? bil den oudermans voers_ den derden pe_ning meer gheuen . jn orconde desen brieue bezeghelt mit onsen zeghelen . Ghegheuen jn + den jare ons he_n mccc + . viue + . en_ vijftich des donresdaghes na sinte martijns dach . tiislatio