Corpus Van Reenen-Mulder (CRM14): Oorkonde E109p36002

Wj meynse grieten soen / en_ jonghe jan die witte Scepene in aemstel_damme orconden en_ kenne_ dat voer ons quame_ claes pieters soen han wigghers zvagher / en_ nanninc outghers soen . oudermans . van onser~?~??????? die staet jn die wiimmolen~strate en_ ghauen ouer van onser~vrouwen~capelle weghen voers_ aernt brasema_ tot eenen vryen eyghen / eenen scepene~brief sprekende van drien pont holl_s coemans~ghelts jaerlixer re_te_ toten eeweliken pachte op ghiistgin bils erue / dat gheleghen is tvisschen den erue dat boyden heynema_s soen plach toe te behoeren en_ nv toe~behoert adaem den zalen optie een zide en_ den erue dat toe te behoeren plach jan den scraper / en_ nv toe~behoert claes aernts soen op + t_n__r zide gheliker~wiis als die p_pere brief daer of inhout dien die oudermans voers_ / aernde voerscr_ ouer~ghegheven hebben / en_ si ghelieden daer of tot onser~vrouwen~capelle behoef voernoemt al betaelt den lesten penninc mitten eersten jn orconde desen brieue beseghelt mit onsen seghelen . Ghegheue_ jn + den jare ons he_n mccc en_ tsestich des vridaghes na sinte johans dach baptista .