Corpus Van Reenen-Mulder (CRM14): Oorkonde E109p36003

Alle den ghenen die desen brief zullen zien jof hoeren lesen / Make wj . scoute scepene en_ Raet der poerten van Aemstelr_damme co_t en_ kenlic / dat voer ons quamen ysebrant Aernts soen / Egbrecht pillegrams soen / en_ claes Aernts soen / goedshuus~beraders der prochikerken onser stede voerscr_ / en_ ghelieden dat si ontfaen hebben bi c_cente en_ wille haren gheriids herten ons cureyts der kerken voernoemt / en_ den onsen / toter seluer kerken behoef van herbaren van foreeste . + vier . pont holl_s an coemans~ghelde / voer wilke ysebrant / egbrecht en_ claes voernoemt gheloueden van + der kerke~goede voers_ / voer him en_ voer die ghene die namaels goedshuus~beraders wesen zullen vyt + te + reeken en_ te gheuene van + der kerke~goede voers_ tot eewighen daghen alle jare opten elften dach der maent van junio alst haren jans bloeten jarichtiit is die wilenneer onse cureyt was / wes zielen god ghenedich en_ ghedenkich moet siin . viif groete des voerscr_uens payments / den cureyt waer hi is en_ den ghemeenen prieste_n die dan in Aemstelr_damme woenachtich zullen siin en_ die haren jans bloeten jarichtiit hulpe_ begaen alse des auonts jn + der vigilien en_ des morghens en_ die evenghelike onder him allen te deelen voert soe gheloueden die goedshuus~beraders voernoemt tvie kaersen van wasse te setten en_ te berechten vans goedshuus weghen jn die eere goeds en_ jn haren jans zielen ghedenkenisse des auonts te vigilien en_ des morghens jn + der zielmissen zine jaerichtiit mede te beghane en_ waer dat sake dat ghiene der prieste_n voerscr_ tot deser jaerichtiit en quamen noch en daden alse voersc_uen is vytghenomen noetsake van jnt_dicts soe zouden die goedshuus~beraders die dan wesen zullen / optie tiit dese viif grote gheuen jn die eere goeds en_ om haren jans zielen willen den armen huussittende daert him best an bestaet donke_ sel / en_ dit zullen die goedshuus~beraders alse langhe doen totter tiit toe dattie papen haren jans jaerichtiit weder anneme_ en_ doen alse voerscr_ is / En_ om~dat alle deze voerscr_ saken vaste en_ ghestade bliuen zullen / soe heb jc gheriid die hert priester cureyt der kerken van Aemstelr_damme en_ wj Scoute Scepene en_ Raet der~seluer stede desen brief beseghelt mit mine_ / en_ onser stede seghelen / Ghegheuen des dinghesdaghes na sinte odulfs dach jn + den jare ons he_n . mccc + . en_ tsestich .