Corpus Van Reenen-Mulder (CRM14): Oorkonde E109p36101

Wi heyn koc / en_ heynric dircs soen / Scepene in Aemstelr_damme orconden en_ kennen dat voer ons quamen lobberich coppelanen wiif was / mit godeuart hoeren soen hoeren mombaer en_ wouter laen / en_ broedertgiin hoer tvie zonen / en_ ghauen mit ghesamender + hant eenen vryen eyghendoem den p_uisoers van den cruce~broeders toter heyligher stede / van + den verndel van + den huse en_ erue dat matte wouters plach toe te behoeren / en_ gheleghen is / tvisschen heynric iacops soens erue optie een zide / en_ willam hanics erue op tander zide / en_ si ghelieden daer of al betaelt den lesten penninc mitten eersten voert soe gheloueden . si den p_uisoers voersc_uen dit verndel van + den voersc_uen huse en_ erue vry te waren iaer en_ dach als men vry erue en_ eyghen scoudich is te waren en_ alle oude br_ue of te nemen / sonder die br_ue die han woudiken soen sprekende heeft van zinen pachte van + den huse en_ erue voersc_uen . In orconde desen br_ue beseghelt mit onsen seghelen . Ghegheuen in + den iare ons he_n . . . een en_ tsestich op sinte lourens auonde