Corpus Van Reenen-Mulder (CRM14): Oorkonde E109p36701

Wj Gh_t jans soen van w_mer scoute claes h_mans soen en_ ian ians soen scepene in aemstelredam_e orconden en_ kennen dat voer ons quame_ jnt gherechte make sniueghe an die een zide / jan en_ gheriit claes corstans soens tvie soenen an die ander zide en_ v_teghen daer van malcander in dezer maniere / dat jan en_ gh_t voers_ hebben zullen voer hoers vad_ erue den voerwerf die claes corstans soen maecte in die Aemstel neffens ziere hofstede daer hi op plach te woene_ en_ dat land dat hi loefde ouer die grafte in + den nesse en_ daer mede soe scouden si quiit alle die erffenisse die him aenbesterf van hoeren vader voert soe v_teech make voers_ van alberde van claese en_ van hillen zine_ drien stiepkiinde_n en_ daer wae_n an en_ ouer der kiinder mo_baer en_ vier verndel / alse dattie kiinder hebben zullen die helfte van + den huse en_ erue dat gheleghen is tvisschen ian van + d_ molen erue optie een zide en_ han brune_ erue optie and_ zide / en_ make voers_ sel hebben die and_ helfte en_ hier mede en_ mitten voersc_ue_ voerw_de soe w_t dit v_tich ghewiist mit rechte en_ mit von_isse stade en_ vast te bliue_ jn orco_de desen br_ue beseghelt mit onsen seghelen gheg_ op sinte mathiis auont int iaer ons he_n . + mccc + . seue_ en_ tsestich .