Corpus Van Reenen-Mulder (CRM14): Oorkonde E109p37102

Wi siman abbe piet_s soen en_ heynric moelnaer scepene in aemstelredamme orconden en_ kennen dat voer ons quam jan - - en_ gheliede dat hi vercoft heeft den overmans van tvien ghylden binnen aemstelredamme dat een ghylde van sinte piet_ en_ dat ander ghylde van sinte nyclaes daer die sniders die sceerres en_ die maerslude in hoeren tot + t_ ghylden behoef voers_ een huus en_ erue gheleghen in grymmenes op~streckende van + der haluer strate totter grafte toe tvisschen _~teten soens erue optie een side en_ claes moeder soens kinder erue optie ander side en_ hi gaf him daer of eenen ? eyghendoem en_ ghelieder of vol en_ al betaelt den lesten penninc mitten eersten voert soe ghelouede hi him dit huus en_ erue voers_ te waren iaer en_ dach alse + men erue en_ eyghen scoudich is te waren en_ alle oude brieue of te nemen jn orconde desen brieue beseghelt mit onsen seghelen ghegheuen des woensdaghes na sinte lucien dach jnt iaer ons he_n mccc een en_ tseuentich