Corpus Van Reenen-Mulder (CRM14): Oorkonde E109p37103

Wj Jan dier vrancke dircs soen ziman abbe piet_s soen heynric moelnaer willam noert piet_ hollant en_ alsteen iacops soen Scepene in aemstelredamme orconden en_ kennen dat voer ons quamen die provisoers en_ bewares van + der heyligher stede binnen aemstelredamme en_ ghelieden dat si vercoft hebben bi goetdoncken des ghemeen gherechts van + der stede voers_ den gasthuse binnen aemstelredamme den heylighen~wech op~ghaende egghen en_ eynden lant en_ sloet alsoe alse ? ? nv begraven en_ leghen is alsoe alsen die heylighe stede daer legghende heeft mit den lande dat die heylighe stede legghende heeft in dat naeste weer op die zuutzide van + den heylighen~wech voers_ op~ghaende van + der aemstel tot sloet_ ? en_ si ghauen den gasthuse voers_ van + den heylighen~wech en_ lande voersc_uen eenen vrien + eyghendoem en_ ghelieden vol en_ al betaelt den lesten penninc mitten eersten . En_ hier + t~voer soe ghelouen die overmans van + den gasthuse van + des ghasthuus weghen voers_ weder te bewaren den heylighen~wech te maken jof te vermaken tot eeuwighen daghen jn allen manieren alse men te makene pleecht dat men vrilike op en_ neder wanderen mach bi goetdoncken van + den gherechte van aemstelredamme jn orconde desen br_ue beseghelt mit onsen seghelen ghegheue_ des woensdaghes na + des heylighen kersdach jnt iaer ons he_n mccc een en_ tseuentich