Corpus Van Reenen-Mulder (CRM14): Oorkonde E109p37502

Wj Robbert enghebrechts soen gh_t willams soen en_ meyn_t die witte ians soen scepene in Aemstelredamme orconden en_ kennen dat voir ons quam Gheriit lappe en_ gheliede dat hi ghehuert heeft jeghens den oudermans van + der sniders ghilde dat halue huus en_ . half dat ? dat willetgin auen soen plach toe te behoerne en_ gheleghen is an willetgin auen soens steghe op die een zide en_ willam - claes soens ? op die ander zide streckende van + der straten tot ghisebrecht boudiins soens erue toe totten - - alle - achte pont holl_s an coemans~ghelde vries ghelts te betalen jaerlix dese voers_ pacht die een helfte tot alre goeds ? misse ende die ander helfte tot meye Jn orconde desen brieue beseghelt mit onsen seghelen ghegheuen op sinte ponciaens auont Int jaer ons he_n mccc ? seuentich .