Corpus Van Reenen-Mulder (CRM14): Oorkonde E109p37901

Alle den~ghenen die desen brief zullen sien jof hoeren lesen doen wj . jacop ghisetgins soen willam noert heynrics soen jan noettaert en_ gh_t willams soen biraders van + der stede van Aemstelredamme cont en_ kenliken dat voer ons quamen pouwels ians soen . gh_t luutgin ians soen . Jan andries soen en_ heynric dircs soen die biraders waren van + der stede voers_ jn den iare voer ons en_ brochten ons ane dat si ghegheuen hebben van + der stede weghen voers_ doe si beraders van + der stede voers_ waren . gh_t vistgin een hofstede die gh_t voers_ begrepen heeft opten aerm optie kerczide . viif roeden en_ eenen voet lanc en_ den oeysendrop dair binnen . tvintich voete breet en_ den oeysendrop daer buten en_ dese hofstede voers_ die sel gh_t voers_ betymmeren en_ decken en_ houden mit steenen dake en_ ghe_t voers_ die sel dese hofstede voers_ houden en_ verwaren en_ half die strate neffens deser hofstede tot ewighen daghen buten der stede cost . voert soe sel die stede voers_ dat huus dat gh_t voers_ op deser hofstede tymmeren sel bezeghen en_ oerbaren moghen wanneer dats noet is en_ dats die stede te doen heeft jn oerloghe . jn orconde desen brieue beseghelt mit ons_ poerte seghel . Ghegheuen des dinghesdaghes na alre zielen dach . jnt jaer ons he_n . + mccc + . neghen en_ tseuentich