Corpus Van Reenen-Mulder (CRM14): Oorkonde E109p38001

Wj vrederic pont en_ dirc heynrics soen scepene in Aemstelredamme orconden en_ kennen dat voer ons quam gh_t heer en_ droech~op en_ ghaf~over lobberich sinen wiue en_ sinen kinderen die hi bi lobberighe heeft voers_ dat huus en_ erue doerghaens van + der straten totter graften toe gheleghen in ghanzoerde tvisschen walich meyn_ts soens erue optie een zide en_ piet_ lubber kinder erue optie ander zide in deser manieren dat lobberich en_ die kinder voers_ dit huus en_ erue voers_ bruken en_ oerbaren zullen tot hoerer liue toe mer niet te vercopen ten si bi gh_t heren wille voers_ . jn orconde desen brieue beseghelt mit onsen seghelen Ghegheuen des sonnendaghes na sinte pouwels dach _versio jnt jaer ons he_n . + mccc + . en_ tachtich