Corpus Van Reenen-Mulder (CRM14): Oorkonde E109p38101

Wj . andries doghede en_ Jan iorden godeuaerts soen scepene in aemstelredamme orconden en_ kennen dat voer ons quam Jacop helmer en_ ghaf eenen vrien eyghendoem herman rolofs soen van eenen huse en_ erue gheleghen in die halle~steghe tvisschen peel jacops soens erue optie een zide ende willam piet_s soens erue optie ander zide en_ ghelieder of vol en_ al betaelt den lesten penninc mitten eersten voert soe gheloueden voer ons Jacop helmer voers_ en_ heyntgin gh_t die wreden soen mit ghesamender hant dit huus en_ erue voers_ h_man voersc_uen te waren iaer en_ dach als men erue en_ eyghen scoudich is te waren en_ alle oude brieue of te nemen jn orconde desen brieue beseghelt mit onsen seghelen ghegheuen op sinte ponciaens dach jnt iaer ons he_n mccc een en_ tachtich